ஈழக் குரல் உலகக் குரலாக


ஈழதமிழர்களுக்கான உரிமைக் குரல் உலகெங்கிலும் ஒலித்துக் கொண்டிருக்கும் இவ் வேளையில் மாயாவின் தொலைகாட்சி பேட்டி மேலும் பரபரப்பை ஏற்படுத்தியுள்ளது. கிராமி விருதுக்கு தெரிவுசெய்யப்பட்டதுடன் ஒச்கார் விருதுக்காக பெயர் குறிப்பிடப்பட்டுள்ள இவ் வேளையில் இப் பேட்டியை வழங்கியுள்ளார்.

மாதங்கி மாயா அருள்பிரகாசம் ஹன்ச்லோ, லண்டனில் கலா, அருள் பிரகாசம் அவர்களுக்கு மகளாகப் பிறந்தார். அவரது ஆறாவது வயதில் மீண்டும் தாய் நாடான தமிழீழத்துக்கு திரும்பயது மாயா குடும்பம். அப்போதைய அரசியல் சூழ்னிலையில் அருளர் எனும் பெயருடன் மாயாவினுடைய தகப்பனார் ஈரோச்(EROS) அமைப்பினை உருவாக்கியவர்களுள் ஒருவரானார். அதன் பின்னர் இலங்கை இராணுவத்தின் அடக்குமுறையின் காரணத்தினால் அருளர் ஒழித்து வாழ்வேண்டிய நிலை ஏற்பட்டது. இதனால் பல இடங்களிலும் வாழ வேண்டிய நிலை ஏற்பட்டது. இறுதியாக மீண்டும் ஐக்கிய இராச்சியத்துக்கு அகதியாக திரும்பிய மாயா Central Saint Martins College of Art and Design தனது பட்டப்படிப்பை முடித்தார். தற்போது நியூ யோர்க்கில் தனது கணவரான பெஞ்யமின் புரூவருடன் வசிக்கும் இவர் தனது முதலாவது குழந்தையை எதிர்பாத்துக்கொண்டிருக்கிறார். இவரது கணவரும் பாடகர் என்பது குறிப்பிடத்தக்கது.

மாயாவின் பேட்டியைப் பார்க்க.

முத்து நீ எங்கள் சொத்து


எம் மண்ணின் வாசனை முகரவில்லை
எம் மக்களுடன் நீ உறவாடவில்லை
இருந்தும்
உன் உயிரை கொடையாக்கினாய்
எமக்காக
எம் விடிவுக்காக

சட்டக் கல்லூரி மாணவர்
சாகும் வரை உண்ணாது
இருந்தும்
சட்டை செய்யவில்லை எம்மை
சகலரும்

நெருப்பை நீ
உன் மீது வைக்கவில்லை
எல்லோர் மனங்களிலும்
எரியவிட்டுள்ளாய்
கவிதை வாசித்துக் கொண்டு
வெருமனே இருப்பவரானாலும் சரி

தொப்புள் கொடி உறவா
எம் மக்கள் படும் வேதனையா
எது உன்னைத் தூண்டியது
இந்த முடிவை எடுக்க


பெற்றோரை விட்டு உற்றோரை விட்டு
உன் சேய் நாட்டுக்காக
உன் உயிரைக் கொடுத்த நீ
சாதரண மனிதன் அல்ல
உண்மையிலேயே நீ
எங்களுக்கு கிடைத்த முத்து

இனி நீயும் எங்களில்
ஒருவன்
உனக்கும் எங்கள் மனம்
மாவீரர் நாளில்
புகழ் பாடும்
பூ சொரியும்
உனக்கு எங்களின்
வீர வணக்கங்கள்